Kambilikandathe Kalbharanikal (കമ്പിളിക്കണ്ടത്തെ കൽഭരണികൾ)

കമ്പിളിക്കണ്ടത്തെ കൽഭരണികൾ

തികച്ചും പ്രതികൂലമായ ചുറ്റുപാടുകളിൽ വളർന്ന നിരാലംബനായ ഒരു ബാലന്റെ ജീവിതപ്പടവുകൾ കയറാനായത് നിരന്തരോത്സാഹത്തോടൊപ്പം ജീവിതമൂല്യങ്ങൾ മുറുകെപ്പിടിച്ചതുകൊണ്ടാണ്. അമ്മയുടെ വാക്കനുസരിച്ച് കര പിടിച്ചപ്പോൾ ബാബു തന്റെ പിന്ഗാമികൾക്കുവേണ്ടി വെള്ളത്തിലേക്കു തള്ളിവിട്ട ചങ്ങാടമാണ് ഈ ഓർമ്മപ്പുസ്തകമെന്നു പറയാം. ചുറ്റിലും നിന്ന് ലഭിച്ച അവജ്ഞയും അവഹേളനങ്ങളും അവഗണനകളും അവിശ്വസനീയമാംവിധം മറികടന്നതിന്റെ ജീവിതരേഖയാണ് ഈ പുസ്തകം. അഷ്ടമൂർത്തി ആഞ്ഞുകൊത്തുന്ന അനുഭവങ്ങളുടെ പുസ്തകം. കഷ്ടതകളെ തരണം ചെയ്ത് മനുഷ്യത്വത്തിന്റെ ഉയരങ്ങളിലെത്തിയ ഒരു അസാധാരണ ജീവിതകഥ.